大阪之我們什麼都沒有 ~ 第4天~

黑門市場 >心齋橋筋 > 通天閣
有進步永遠有進步!

今日我地9:00就起左身喇!!

都係去同一間cafe歎左個3.7牛乳奶就出發去食第二個早餐!

黑門市場! 想食又平又靚既剌身就一定要去果度~ 如果唔係就要去到遠遠既和歌山黑潮市場~

心齋橋jr去到日本橋, 10號出口, 向左行，見到間狗舖再向左行就到~

我地行左過對面買野飲~ 可以影埋間狗舖

為左唔好盪失路，記符認住上面d海鮮，黑色魚係最近地鐵站既出口。


魚生啊!!!

瑤柱其實一般平，不過買俾人好方便!


西京燒!

最後我地買左呢個做我地既brunch，$200都唔使! 呵呵!!

當然唔少得呢個家姐最愛手信~ 只係640yen!

朋友話行一個鐘，我同呢位一路行一路笑既朋友仔唔知點解往往都會double... 行到1:00我地就走喇!!!

因為買左d 生果~ 於是我地就番酒店，再出來搏殺過!

由於行到熱熱地，出左酒店，先來個炒雪榚先~

之後再行心齋橋筋~ 戒筋! 真係好多野行~

蟹道樂燒蟹腳，麻麻地抵食~ 又乾~ 食又麻煩~

行左3個鐘，我地就走去通天閣~
通天閣係一個好地道既地方，好日本，d人好熱情，去動物園前站一落車就見到~

真係要推介呢間大興壽司~

我地真係見到呢個叔叔!

呢個係一定一定要叫~ 從未食過咁好味既鰻魚, 岩岩燒好仲熱之餘，最緊要係竟然仲有香香既鰻魚味~ 勁好食~ 我地一人食左3件!

呢個都係另一推介!

番去，我地決定去bic camera!! 買左好野!!!!

呵呵~ 好彩果日去京都無買!! 我買呢部野HITACHI 美唇離子清潔及保濕器nr-7000, 係9480yean，仲有9折再95折!!折哂$600幾蚊咋! 見到中原買緊$800幾!

香港上個月先出咋!! 希望真係可以做到嘟嘟咀~ :)

我仲買埋hitachi cm-n820離子美容清潔及保濕器~ 19800yen, 都係9折再95折 (因為退稅同用visa), 都係$1400左右! 抵啊~ 香港無呢部架~ 當然我係唔會吝嗇我既用後感!! 一定share!

建議如果都買既朋友仔，叉左電先，番去唔使等買轉插即時可以用!!!