新蒸頭 - 自製籮白糕

一直都無諗過整籮白糕，因為買又搵笨、整又搵笨~ 

睇過何師奶個食譜~好友公主話整過十分OK~ 仲要encore! 一於上佢屋企同佢一齊整

我話想試下刨籮白~ 帶左好多唔同刨去試下邊個好刨d，隻手無咁累同埋無咁易整親~

最緊要既係喺短時間刨得多就very good 喇!

一共3.5斤籮白有4大條，第一條刨左一個hr，第二條20分鐘! 因為第三條要刨絲同茸既關係只係8分鐘! 勁啊! 

我簡直可以成為專業既刨籮白員!

Le creuset~生炒糯米飯

上兩個星期上完le creuset個 cooking class教整生炒糯米飯，抱住唔好蝕既心態即是番屋企煮來食!

果然! 當人人都問我係唔係炒到甩肺既時候~我其實只係炒左10分鐘~

真係愛死呢個煲~ 對於我呢d 懶人兼新手就最岩用 (雖然我去cooking class既時候發現了很多高手)

整完果日，聽到肥媽個節目又係講生炒糯米飯，哈哈~ 我update blog既能力實在慢到唔可以再慢~~...

而家即時update番啦!

材料: 薑、蔥花、蒜頭、糯米飯、臘腸、瑤柱、冬菇 (其實如果有蝦米同花生會更好~ 不過兩個人得兩麥米，真係唔可以落到咁多料!

調味料: 些少酒、生抽、紹酒

做法~

糯米飯先浸四個hr，停乾水

凍鍋加油~ 至鍋熱，加入薑、蔥花、蒜頭、臘腸、瑤柱、冬菇炒香~ 加糯米飯、加水(cooking class教用雞湯，我有dd 唔係太愛用~)，加入調味料，

炒15分鐘見飯發脹 (見乾水就加)，拿一粒試試有唔係太硬既感覺，焗15分鐘即成!

 

• Le creuset, 
• 生炒糯米飯

le creuset ~ 蘿蔔炆牛腩

<唔好意思，我應該抺乾淨先上檯! 失禮!>

諗下今晚食咩送，因為一起身就會做第二樣野去到街市就會一舊雲!

心思思又想同下個新煲~~

不如再向難度挑戰! 來個蘿蔔炆牛腩，

其實要炆好味既牛腩，最緊要既就係時間!

當然仲有一個幫得手既煲啦!!

本來我同譚同學傾話要同柱候醬來整

佢立即拒絕我~因為佢話食果d，不同出街食!

上網睇下左睇下右，睇下上次去上le creuset cooking class時候教過下既tips!

登登登登! 又腍又入味既蘿蔔炆牛腩就出左世喇!!

完全無用雞粉、雞湯或者係柱候醬!

用不停焗不停焗不停焗既方法，用最少既火喉，整左最有火喉既蘿蔔炆牛腩~

哈哈~ 美中不足既係....因為炆得太腍，蘿蔔又切得細舊得滯

有幾舊一夾就散! [(it wasn't me)]

不過難得我有心機整! 朋友仔同譚同學都一同讚好!! 謝謝呢!! [(thumbs up)]

材料如下: 生抽、老抽、花椒8角、冰糖、牛腩、金 (唔好問份量，因為人人受得既味道都唔同)

做法:

將牛肉出水、將生抽、老抽、花椒8角(如唔食，可以用袋入住，因為有老人家說這是有毒不能吃)、冰糖放入適當滾水，試岩味到，放入牛腩

滾起轉細火，炆45分鐘，焗30分鐘即成! (有時間炆耐d，愈耐愈腍，雖然而家已經好正!)

香草扭紋麵包!

搬左來臨時房屋一星期，係時候要開爐整包! 

今次揀左香草包! 其實本身我係唔食香草，但整左落d包到又真係唔同左! 

再加上用左扭紋整~ 

感覺好似軟熟d~ 

又忽然概歎，如果有一日可以唔使番工日日整包整蛋糕就好喇

通常講到呢到，譚同學就會話，

「日日做既時候你又會厭架啦~ 」

或者啦!~

回想起過去兩星期，為左搬屋..

身體差左 (因為太大塵)，又肥左，黑眼圈又大左

基本上喺呢無護理既兩個星期入面可以話係不似人形

每一日都唔夠時間休息 (因為屋企太大塵執唔到野)

再加上屋企成屋都係箱，真係想死~

好在，兩個夾手夾腳~終於幾日就將生活正常番~ 

搬屋又再次睇到齊心既重要性~

諗番起果輔7:00起身，13:00前將d野搬哂去新屋

唔夠18:00，我地已經將所有野unpack哂~ 

我執廚房同衣櫃，佢就執自己野同電線~

果然~齊心就可以了! 

我的2012年

這一年是平淡的一年，

說是平淡，

但靜靜地想也有很多很多第一次的發生~

朋友多了也少了，

工作似是忙了但比平常早走了~

家中似是有了一個安定的生活模式，

種種帶來也是開心的一年，你呢? 這一年你又過得開心嘛?

1月: 新職位~新壓力! 感謝提攜!
新焗爐! 多謝爸爸!

2月: 第一次和爸爸盟起郊遊的念頭去了大嶼山
wyman concert: 感動!好睇!

3月: 
- 考車成功! 真正成為車手!
- GM走了~從沒有見過如此值得RESPECT的老細!謝謝你的不斷鼓勵!
- 努力地學習做包! 終於成功了!
- 出走泰國!! relax relax and relax!!
- 新阿姐~ 我也感到奇怪，為何世上有人的性格會與自己如此接近，也間接地了解自己的好與壞，或許這是頭目的其中一個目的!


4月: 在沒有理由之下我們勇闖了廸廸尼
我搓車了!!!!

5月: 
- 公司training去了台灣，感謝一位外冷內熱的好同事，陪我睡了3晚~ 說實的，在公司難找好朋友! 
- 同事結婚~再一次擔當司儀，感謝信任~
- 新車!正!
- 往時是每年一次event，今年的第一個event, ps launch~ designer 你係得既!

7月:
- 星加坡之旅: 明年今日我們還有機會嗎~ 朋友我都珍惜你們愛你們!!

8月:
- 突破自己，一連兩個event加一個地產推廣項目，看到人性的一面，工作的本質

9月: 
- 好朋友+好同事結婚，與老公一同擔當婚禮司儀，由衷感謝!
- 首次到洲際晚餐，感謝同事生日給我這個機會

10月: 
- 養尊處優的一個月，經過8,9月的洗禮，身心的確疲憊~ 開始找到了方向

11月
- 兩年了~謝謝你~ 我們的半島晚餐
- 重大的決定，首次要告別我們一手建立的東西，感謝這裡給我溫暖及愛，不會忘記我們一手一腳打造的家

12月
- 生日快樂~ 連續10天的玩樂換來的是病到了~