新年快樂!一年過了,2013年像閃電般走過。
這一年的回顧留到下一篇
現在,都是分享美食的時候
老公上次去完澳門番來
成日都提住食左一間打邊爐用乳豬肴湯底
聽到都覺得好油
不過佢肯一個人買哂5個人野咁偉大!
好啦~就一於試下啦
估唔到真係好食,材料有
番茄,薯仔,西芹,香茅,栗米,主角乳豬, 白蘿甸一齊煲2小時
期間留意水滾
如果有個大D既煲就會更好
另外一個挑戰就係洗鮑魚
真係好污糟
不過好彩有好友教路
用生粉再用牙刷刷,整好用冰陣住
入口勁爽!
仲有大隻花甲,都係多得好友教路,打邊爐前用熱水拖拖佢
一開口就攞佢上來
等D沙走哂出來先
仲有蝦,要成$50半斤,仲要唔係好大隻
當然不少得有其中一個主腳,絹豆腐
因為浸水豆腐特別甜!
仲帶陣陣豆腐香
索哂湯底之後,真係正!
大家都來飲番杯,當然不少得荃灣楊屋道街市既三昌肥牛
古法鵪鶉蛋,鮮腐竹,雲吞,水餃,魚皮,金菇
食完飯又點少得飲番杯!!
沒有留言:
張貼留言