回到首頁

2013年12月29日

聖誕新年好去處三 dinner@文華廳

食膳服務的確緊要

好服務有很多種,想得愈周到,就吃得愈開心

當然價錢就愈貴

文華廳的服務應該己到了一個頂級的水平

訂位時留下的名字,他會在飯宴中用來稱呼你

讓你即時第一次來到也變成常客一樣。。

哈哈,我也可以成為文華廳的常客,的確很威呢!

很浮跨,真的很無聊呢~~

一坐低即時問你要唔要D飲品,水?紅酒?定係茶?仲有一車白酒同紅酒,

我地隨便試左一支香檳,一杯好似要$200幾蚊,一枝就要$1088 




環境實在太好,記得友人講過,幾難食既野,有個好既環境

食物多數都會加分,





野食唔算好貴。






我地叫左片皮鴨半隻加兩食

紅燒豆腐

糯米飯





片皮鴨佢同一般酒樓一樣,都係堂前片

不過佢就做多一樣

就係將肥膏片哂出來

  整笛薄薄脆脆既皮

同沙田18既片皮鴨有得比

再加上塊塊都脆既蝦片上面,仲有蔥段、青瓜、哈蜜瓜等配菜,





訂位既時候,佢有問我係唔係special occasion,我話係生日

好surprise 佢送左個壽包俾我地!

服務即係服務,一個壽包就已經好開心!




聖誕新年好去處二 afternoon tea@central

去親IFC 靚既西餐廳有好多,要揀間岩心水既,真係要逐間試,

今日我地就試左ST BETTY

聞說佢好多年前來過香港,之後又番來,係一間好有FEEL 既歐洲菜

其實之前食過佢既ALL DAY BREAKFAST,今次就來試佢既afternoon tea

真係有D意外,上次見唔到有SPARKING WINE

今次有呢個~正!

諗都唔使諗就叫左呢個SET

上層: 可露麗(Canelé) 最好食!外面脆入面軟,

而且朱古力味濃厚,果個煙煙銀銀既感覺令人回味

仲有orange cheese cake , 同埋traditional madeleine, 馬卡龍,

中間果層係我最愛既鬆餅,唔知點解擺左成半個鐘先食佢都仲暖架!

有cream cheese, strawberry source ,我總係覺得鬆餅應該同牛油係好朋友。

朋友都笑我low end ,不過習慣就係習慣!

最底一層就係咸點,咸牛肉三文治,香草三文魚三文治,番茄牛油果三文治,仲有紅椒牛油果三文治,

其實賣相好靚,只係我不大喜歡凍了的醬汁,也可能是因為天氣冷的關係!






提完野食,就到飲品

佢寫明是香檳下午茶,可惜,一問之下原來只係SPARKLINGWINE,

不過都可以啦



可能我地個樣太渴,佢一上氣酒

就上埋我杯earl greytea。。到我飲完杯酒既時候

TEA已凍了~




不過果度既人都好好,見我覺得凍,即時都同我換過一壺

感覺開心,過了一個開心的下午!

聖誕新年好去處一 afternoon tea@tst

今年新年聖誕都好正,聖誕如果你攞埋27號,就會好輕易就有5日假

即興的時候,去邊到afternoon tea 最好?

不給試下尖沙咀喜來登的sky lounge! 

位於18樓頂層的sky lounge,先要搭LIFT到17樓,再行一層樓梯上去

上到去己經見到有個無敵維港大海景
                                               


即係唔知好唔好食都吸引左你等先

點知好好彩我地15:30去到都唔使等位

仲要無BOOK定

唔係假期,真係唔同D, 坐唔到WINDOW  SEAT其實都唔緊要,

因為佢全部都望到海

再加上愈入個感覺好似嚐D

睇左MENU先

除左TEASET 仲有散叫,

不過我地大家都想食呢個,又搓左車

所以叫左一個無酒精既



 因為我同老公都唔食鵝肝,

所以換左個鬆餅

好變態,兩個都鐘意食鬆餅多過鳳肝,我地都好開心~哈哈~

因為大家都好鍾意食鬆餅



餐茶我叫左 EARL GREY,老公就叫左 BREAKFAST TEA

我見人家既咖啡個樣好似好正咁

野食到!

 沒有大驚喜,除左係鬆餅同埋朱古力類特別好食

其他都係一般。


要提一提呢個薑味法式焦糖焗蛋

可能因為中國人薑食通常都用在熱既食物上面

法式焦糖焗蛋入面有薑絲真係第一次試






走既時候搭𨋢既VIEW,真係即時RELAX哂,可惜有D大霧

呢間係下一次既目標,聞說LOBBY既 AFTERNOON TEA好抵食~






唔塞車既彌敦道其實很可愛呢!!

 咁岩恆生匯豐白金咭有85折!記得帶啊!





2013年12月8日

自家製黑椒牛仔骨


一個星期只有一次可以煮自己鐘意食既野

我地今日行MARKET  PLACE就揀左惠康牌牛仔骨

一PACK有4件,每件可以切開3件,都係$5X,好抵

而且整法好簡單

1. 緊記連袋解凍 (可用水啤 / 如果時間夠可以用室溫)

2. 之後洗乾淨牛仔骨,最緊要去左D 血水

3, 再用紙巾索左D 水

4. 用半茶匙糖,一茶匙生抽,一茶匙麻油,一茶匙生粉 醃15分鐘

5. 每邊煎分半鐘,最後加上黑椒即成

記得食埋骨邊既肉,因為有好多骨膠原!


一個很舒服的BBQ地方

我地最愛找一些大商場以外的食膳

因為煮野食會有心D,

人會NICE D,當然,地點可能會無咁方便

秋高氣爽,BBQ 好時機!

我地即興BBQ,方便既地點唔係FULL哂就好貴

上OPENRICE 一搵,位於荃灣大帽山竟然有一個燒烤場

星期6仲有位,而且COMMENT仲要好好

好彩有搓車,由長沙灣去都只係半個鍾

環境好一流,最少乾淨

去到俾左錢先,好抵$128 

包一枝水同一罐野飲,一包炭同任食

野食既種類都幾多

雞翼有3款,雞扒,牛扒,魚,菜同丸類一共都有30-40款

仲有包同錫紙都係任攞,你可以焗自己想焗既野食


佢5個人有一個細爐,6人以上就有一個大既,我地有4個人

就有一個餐盤攞生野食


我覺等最好食係魚,牛扒同雞翼



燒燒下仲加插牛一隻,即時覺得食牛扒有D唔好意思


對開有達空地,可以打羽毛球


仲有免費泊車,不過就只係燒到11:00

所有野都好OK,細細地,坐位都好寬闊!:)

2013年12月1日

踏入12月

要為12月有一個好開始

約左35知己,長洲郊遊去

其實郊遊只係一個籍口

重點係我想食即炸薯片

上網睇相好似好好食!

我地約左2:00搭船入去

去長洲每半個鐘有一班船 

踏正係慢船,要一個鐘,


去中環5號碼頭上船

踏半係快船,半個鐘就到

去到我地已經急不及待

好似十世未食過野噤

先來一個$8 芒果糯米磁 

佢地食到好開心既同時,

我。。唔食得


一路一路搵大魚蛋

講真只係將6粒魚蛋既分量整成2粒 

其實好易搵到

質感同味道都同平時魚蛋無分別

不過一串要$10 



當然,我係為左即炸薯片以來既

好好味呢

不過始終唔係大集團。。 我地叫左兩次

第二次既味好唔同

唔係次次食既味道都係一樣



期間我地5個人仲食左豆腐花,碗仔翅,燒魷魚,

不停食食食,一路食到去沙灘

好美麗的日落呢

我們都發現長洲比較少強國人

大概是因為沒有LV,沒有名牌袋罷

還好,這裡還留著很多本來屬於香港的東西

講到呢度,大家都仲好飽,

於是我地去左做運動


 

放足電

沿途景色,真的很漂亮呢

比起在石屎森林內的燈飾更美好


特別是這日落

只是隨手影,都是那麼動人

最後我們隨便找了一間晚餐

因為都累了

所以沒有拍很多照呢

一天,簡單的一天

有朋友,有大自然,有美食,

十分滿足!

在此感謝媽媽的阿膠,雖然我不知道是什麼!但我會試試吃的!