自製冬甩包~

0

收到本年度最佳既聖誕禮物~

係一個冬甩模~

上網搵食譜，一係要用自發粉, 一係就要加d唔知咩化學粉

整包，一直都以健康為原則

 

 

 

yeast其實都唔係太想落，不過無辨法

再加埋糖既份量，真係要減多廿磅先可以將佢放入口

於是整左冬甩包

其實我見好多麵包店都有冬甩包買

所以又試下!

又可以喎~

符合基本兩個要求，甜同埋軟綿綿~

為老公的生日打開序幕!~

有意義的聖誕節

3D曲奇原來不容易!在7個雪人當中，就只有3個可以活著，就將這個送給同事，希望她不會覺得醜怪~

簡單的做法，只用了植物牛油30g, 糖10g, 低粉45g,  將佢搓圓! 180度焗15分鐘就得!

但因為是3d的關係，中間最好可以用一些東西支撐住，

例如焗好兩個雪球，焗好放凍後用cream "痴"住，仲可以當係頸巾

好彩都未至於全軍覆沒~ 如果唔係就無禮物喇! :) 

我偷食左一個~正! 外脆內軟!! 唔知佢上到機仲係唔係呢?! Anyway, wish u have a marry xmas!!!

  

一直都想親手做一些東西給物邊的朋友過一個有意義的聖誕節~今年，終於可以一試心願~

做了3D雪人曲奇及薑餅人在泥土! 哈哈~ 很開心，也很有滿足感，希望收到的你們也會喜歡!

薑餅人的家~

最好食的東西永遠都是肥的東西~ 上次整蜂蜜黑朱古力杯子很好味道~

忍不住口再來一次，今次用的是低糖蜂蜜，希望可以減少丁點的罪疚

曾經有朋友跟我說薑餅人是從薑長出來的，以薑就是從泥土中長出來~

就係咁~我就整左呢個盆栽出來喇!! 哈哈~最好笑既係, 我唔食薑餅架~所以用左牛油曲奇啊!!!!

整既時候先整左人仔先~等佢凍哂先好塞入去D泥到~

在一個咁既環境入面，難免有所犧牲...

再整蛋糕~~

好devillllllll

1.低糖朱古力80g
2.橄欖油45g
3.糖20g
4.蛋2隻
5.低粉40g
6.低糖蜂蜜25g

7.可可粉15g
8.可入爐朱古力粒少少

造法.....實在太sleepy~改天再post... 

rehearsal!! 黑森林朱古力蛋糕

0

 

 

老公月尾生日，聽日同埋姐夫一齊預先慶祝，

預先即係未係正式，未係正式就即係可以搏一搏啦，

跟住何師奶用來整卷蛋既食譜用來整朱古力蛋糕，

唔緊要啦，幾唔好食老爺奶奶都會食哂佢，

有左蛋糕底既材料，打開雪櫃，原來屋企都有幾多整蛋糕既配料!

不過初學加簡單既我只係用左iceing sugar擺面襯個生日牌，

如此簡單，我都要搞左3個hr! 足足3個hr...

希望味道可以!

未食已經知有咩要改善.. 看來我要練字了!



先來一個預祝生日快樂!

香蕉蛋糕 -- 給天使一家的鼓勵!

如果可以...

如果可以，我想放下我的工作，一天到晚做自己愛的麵包、蛋糕、曲奇餅


沒有什麼原因，就是愛看到它們由一團粉變成了美食的效果

這些年來，找到自己的興趣不易

現在總算整到自己愛吃的食物

有多少人細個開始就找到自己的興趣

最少，我沒有，游水、打排球、羽毛球、桌球、彈琴、睇書，每樣興趣都過不了半年

今年總算找到了自己愛的興趣

但看了天使媽的兒子

年紀輕輕不是要找自己的興趣，而是要為了選校不開心，心裡都有一點不舒服

只是5歲的小朋友，他們應該為選校而煩惱嗎?

保守估計，他們還有20年的書要念! 要這麼早就煩惱!

做父母的確實很難

在這裡跟天使媽加油! 更為天下間為子女選校的你加油!

給天使仔的一點鼓勵!

*如要食譜可留言!

綠茶曲奇巧遇朱古力旋風曲奇

星期日通常都係整餅日，近來瘋狂愛上焗爐味，因為只有焗野先可真真正正RELAX，再加上屋企唔整無野食! 在家中已接近封塵的食譜書左找找，右找找，找到了這個!

尋日去左二德惠，每次去到都有好多野想買，為左控制得好D，我決定先寫低，買左小小麵粉，番到屋企竟然發現有包未開過既綠茶粉!!!究竟我係幾時買既呢?

總有一日，我會唔懶惰打番個食譜，如果有朋友仔好急用食譜可以留個言俾我，我影張相俾你丫!

英華vs協恩 D1的冠軍戰

這十年來做過的事，能令你無悔驕傲嘛? 那時候你想相信的事，沒有被動搖吧?

老公的好朋友帶隊打排球，係division 2既冠軍戰，好看的除了這一場比賽外，就是毗鄰的英華vs協恩 D1的冠軍戰

我在場邊，慢慢地將自己代入了，這是中四時候的我，初次作正選的我，球場上有沒有排球其實不重要，這裡有友誼，有愛情，有笑也有淚，我校是魚腩隊，成績差，打波差，在屯門的一個屋邨內，基本上每位同學的自我形象也很低，打波叻的同學，不就是外校生就是在校外打比賽，沒有一個是「本地人」。

「爭奪冠軍是一件殘忍的事，與其在冠軍戰落敗，倒不與入不過到決賽」這是一個15,6歲年青人的想法，但肯定的事，我和其他7位當年打排球的朋友仔來說，排球場上的每一次敗訴，都是我們值得驕傲的機會。

我們經常都輸，教練對我們已成了半放棄的狀態，但不知怎的，即使我們再輸下去，也不會麻木，每次輸波我們都會哭，特別是在中六的最後一場學界，「沒有好好練過，哭來做什麼?」的確，這是一句極刺骨的說話，但卻成了日後對自己的鼓勵!只有真正盡過力的失敗，這些眼淚才不會白掉!今天，看到了輸波的一隊，心裡總是有一點酸酸的!

如果有機會的確我想用心打排球，至少在這時候所流的淚是有意義的，但再細心想，輸又何況，輸了老師校長的面子，但卻換來朋友的安慰，在情感上得到百份百的滿足! 我們曾經幼稚得因輸波而打對方，集體行動，集體問責，問起犯規的原因﹕沒有什麼，只是輸不起!這些童年，這些任性，brand1的你，贏波的你，有嗎?

雖然對你們沒有一點認識，但能親眼分享你們的成與敗，感覺很開心! 謝謝!努力為將來!

雞尾包食譜

來喇! 又香又軟熟既雞尾包出爐喇!!!! 真係香到12:00幾都想攞來食!!!!!!

 

好耐好耐以前有個小男孩為左慳錢，每日用$3 買兩個雞尾包，一個早餐食，另一個下午茶食! 每日都買兩個! 今天不算有甚麼成就，但當年的努力總算沒有白費，因此在製作這個雞尾包的過程中份外有意義，據說有靈魂的食物特別好食~對! 它的鬆軟程度竟然可以比起屋邨麵包店! 謝謝你給我一個靈魂!

這個recipe我揉合了兩大高手! 何師奶的包配上韋太的餡料! 1+1，點計都唔會變左負1! 謝謝你們! 

_材料:

_{1．高筋粉 270克}

_{2．鹽 2克}

_{3．砂糖 35克}

_{4．依士  3克}

_{5．鮮奶 150克}

_{6. 無鹽牛油 20克}

_做法:

_{1. 將 1-8 混合成麵糰，然後加入牛油，搓至光滑，將麵糰撻至起薄膜狀,將麵糰搓圓後，置於預先鋪上保鮮紙的器皿中，然後表面蓋上一層保鮮紙，置於溫暖處發酵約15分鐘．再放入雪櫃冷凍發酵16小時}

_{2. 待麵糰脹大約兩倍後, 取出15分鐘回溫，輕壓放氣, 並分割成4等份把麵糰滾圓後，置於保鮮紙上，表面蓋上另一層鮮紙，靜置約20分鐘．}

_{3. 將麵糰取出壓平排氣，加入餡料，將麵糰放入已掃固體菜油吐司模內作最後發酵，再於包面灑上芝麻，焗預熱爐溫至180度後，入爐焗約15分鐘即成。}

<sub>餡料: Tips:

牛油 70g
低粉20g
奶粉 20g
椰絲 10g

造法: 將所有材料放入盆內，搓成粉團!</sub>

<sub>1. 因為用奶，粉糰好難好難搓，不過愈難搓就愈軟熟
2. 麵團撻得愈多次就愈軟熟! 當佢生魚就岩喇!</sub>

我們結婚兩年了

<sup><sub>兩年前的11月5日，我們結婚了，沒有準備得充足，沒有令每一個賓客都賓至如歸，但不論怎樣，我們都盡了力去令婚事更美滿，這兩年由我努力定成為一個老婆，試試煮飯，試試做家務，試試在你的角度想東西，不算做得很好但總算有試試看，雖然家裡大部份的家務仍然不由我控制，但我會努力~ 努力到最少令衣櫃門一開的時候不會像山泥般瀉下來!

平時一直愛寫家中煮的東西，今日特別要提提這個地點，因為貴、靚、好食 (港女3大要訣)，這裡是半島酒店的吉地士Gaddi's!

呵呵~ 咁岩 Salon de Ning新開有free drink!! 係free啊!!!!佢地既白酒house wine 係送既.. 因為8:00未到既關係，成間bar得我地一檯客，影到我地唔影，我爭d想同個waiter影埋相!!</sub></sup>

飲完一毫子都無俾過，仲好nice地有個waiter帶我地轉lift上去餐廳!真係超nice啊!!!

一開lift門就即刻有個女仔問我地有無book檯，帶我地去左近角落頭既位置! 環境好不在講! 情調一流! 仲有d名媛望族50年代feel，令我諗起楊怡喺出面唱歌，又或者松松姐姐喺出面唱天涯歌女既一幕! 諗到呢度，我就喺度傻笑了! 就喺呢度，兩個大鄉理過了一個開心的晚上。

呢個廚師送俾我地既三文他他! 哈哈~點解同公司一杯杯既唔同既!! 清新既三文魚配淡味沙律醬! 正! 又係果句，唔使錢既野特別好食

老公恨飲龍蝦湯! 好啦就豪一次! 新鮮龍蝦製成! 寧舍不同!

再來一個前菜，不過呢個唔係送既! 照好食! 係用左蟹肉做成上湯，再造jelly成為新鮮蟹肉既汁! 一食落去啖啖都係蟹味! 另外佢跟一個蟹肉jelly?我唔sure.. 因為好味程度好快就俾蟹肉蓋左!

主菜我地叫左一份魚同一份豬! (佢地而家興有野味餐，佢照recommend，不過真係怕怕!)，呢個係兩舊豬，一舊好似燒肉，另一個真係好似焗左既ham咁樣，黑色個舊係豬紅，好鮮味，不過我麻麻地!

呢個main course 超正! 係煎鱸魚配黑松露，好香好脆既魚皮再配嫩滑的魚肉! 再加埋d汁! 呢個簡直有100分!

食完maincourse，想叫甜品老公已經order左cake!! 多謝你!!

由係tea or coffe既時候，其實碟細細但來到呢度經食得好飽，可能因為慢食同埋之前食左d包既關係! (oh! 我無影到個墨魚包!) 兩個人叫左一杯tea之後佢就送上朱古力!! 好開心:) 仲有最愛既macaron!! free架!! 可惜我已經食唔落，佢好nice咁俾多左好多粒我攞走!!!! :)

過了一個開心的晚上! 這個港女，的確，過了一個很開心的晚上!

所謂飲水思源，即使晚餐過後，我們仍去這裡走走!

謝謝這7年來的開心日子!　努力繼續吧！