食到喇~ 而家唔使排隊都食到豚王喇!

新城市廣場開左豚王喇~ 

喺二期最底果層

一心以為好多人~

可能只係開左兩日既關係，去到等8張~

勁啊~ lunch時候都係等8張~

仲俾我發現到~ 可以用app等位!

呵呵~ 以後就唔使煩喇~ 

只需要用app download新城市廣場個app，去之前攞定就可以喇~

呵呵～　我試清湯～　

真係幾好食喎!!

 麵既幼度都係岩岩好～　肉既厚度仲岩岩好～

最like有菜tim!~

其實拉麵來講已經唔算好油~ 好味到~ :)

終於到了咖啡弄~

港女一定支持香港文化

就係排隊

幾個月前咖啡弄來左香港

日日好多人排隊

有一次想食，但除左見到好多人排之餘

仲見到有人暈~ 

真係誇張~

難得公司放早~

一於同同事去搏一搏!!

如果3個人去，特別係女仔~ 真係唔好叫3個~ 唔係一定飽死~

我地3個女仔叫左2個，都有淨兩件~ 

我估佢最好食既地方係即叫即整~ 

同埋出面脆入面軟~

特別? uhm... 排左咁耐一定特別!

我覺得佢聰明在一定要叫飲品一杯

咁即係一定要你叫!

呵呵~ 不過都開心~

因為終於都食到~

又去跑了

為10K 大家都努力練習，

雖然有人話夜晚跑步唔好~

不過可以唔使哂黑同埋真係好舒服!

今日一同 練習的朋友很強

連氐夫婦好輕易就跑到10K

唔緊要啦, 我同香港政府既民主進程一樣

都係循序漸進，呵呵~

上星期跑左6K, 今日既目標就係7K!

仲好想喺一個小時內完成! 

總算成功! 仲有3K要好好加油~

距離比賽仲有一個月! 希望可以有一日可以跑到10K

下一目標: 8K!

 

難得去葵芳跑

又點可以唔去拜訪金潮小廚一下!

真係堅好食! 

就係因為太好食~ 

只係影左呢味

姐姐豬頸肉白菜仔!

真係無得頂~~yummy!

是日減肥失敗!

好友打邊爐!

一班好朋友來我屋企打邊爐

太累無同另一半同朋友去買野

結果難以想像

呢度係5個人份量

1. 1隻魷魚 (有剩)
2. 大量貢丸(有剩)
3. 大量火腿丸(有剩)
4. 大量豆苗(有剩)
5. 少量生菜(有剩)
6. 2札金菇(有剩)
7. 象拔蚌4隻
8. 半打水餃雲吞(有剩)
9. 一磅牛肉
10. 半條脆肉鯇
11. 5粒好似山竹牛肉咁大既鯪魚球
12. 響鈴(有剩)
13. 魚皮(有剩)
14. 炸支 竹(我覺得同上面既係兩樣野)(有剩)
15. 鶉春蛋2打
16. 一包竽絲 (有剩)
17. 2支栗米
18. 3個番茄
19. 一大條西芹
20. 半條白蘿蔔(有剩)
21. 4個大磨菇
22. 2專日本豆腐
23. 墨魚滑
24. 生根

仲有d濕碎野無計.. 而家我好努力...

喺我明天全日都唔喺屋企既情況下

要喺下星期ko哂佢...

曾經我聽過一位前輩就道:

今世你所食淨既食物

到你死左之後就會有個食物桶

桶入面有你生前食剩既野.

而你就要喺限時食哂佢

如果唔係就投唔到胎.. 

好驚.. 要諗定點ko佢!!

順帶一提!! 要讚下呢個無肉湯底

煲左3個鐘，一d味精都無!

正! 

snoopy 蛋糕

閒來無事食蛋糕

如果有一日我可以選港姐，我既使命一定係

"每去一個地方，我都可以講出果度有咩好食既蛋糕!"

哈哈~ 今日行行下街我問老公要唔要買奶奶生日既蛋糕

佢問我呢度附近有咩岩食

tst唔難搵

不過當時只係11:00am -.-!

又唔早d講...

腦內搜尋: 好食+蛋糕+晨早+tst!

呵呵~ 我諗到啊! 係snoopy餐廳!

開8:30~ 早知來埋食早餐!

咁多個我最like呢個~ 不過同老公諗諗下~

無理由生日叫奶奶劈人地個頭 -.-# 

最後我地揀左呢個~ 建議如果想訂既朋友 

早一兩日訂定~ 

會有更多款~ 另外加左$50 要隻snoopy~ hehe

其實有d唔抵，不過真係好得意! 

當然啦~ 我又點會放過有得食cake既好機會!!



鍾意食朱古力既人一定唔會放過! 

因為真係好好食!!

秋風起 補補佢 花膠螺頭燉雞

病左個多星期，記得上星期5去睇醫生

我同醫生講，我星期六日有event，要通頂

可唔可以俾d唔眼訓既藥

醫生話: 食咩藥都唔緊要啦，唔休息，你星期一都要來睇我

醫生! 不如你轉行做占卜啦

唉.. 星期一真係唔好~ 我好似已經聽唔到自己把聲一日 :(

如果醫生既人工包埋占卜既人工!

病好! 個人都散哂~ 感謝媽媽既愛鍚

佢買左隻小雞 + 發左花膠

我加果皮同瘦肉燉2小時就可以了

真係好飲到不得了!

仲即時覺得有補身既感覺!

燉野既感覺真係唔同d!





飲完之後勁好訓! 媽咪既技術已經進化到口講你都feel到有用!

難得的50分鐘

搬到這裡3年，一直都覺得可以一股作氣跑到去地鐵站(大約6k),

我估約由潮流特區跑到去尖沙咀咁上下~ 平時我係要俾$3.5小巴架~

病了個多星期,

工作由8月尾至今忙碌至極

找兩小時來跑個步實在很難，閒時只可以半小時小跑

今日拿出我僅有的勇氣來, 為皮膚作一個排毒、為精神作一個重整

仲好勁咁唔帶八達通，雖然後來極度後悔

因為我跑到去mtr既時候已經無力回頭，仲要係上斜!

但後來後用了50分鐘，終於番到來喇!

沖完涼，掂住滑滑既皮膚，真係成個人開心哂!