happy birthday to my friend ~

好朋友生日，唔知由幾時開始，

呢班朋友每年都會有不同既方法去慶祝生日

有一年，我成日都ot，好朋友送左一大堆罐頭，紙底底，力保健等送去我公司

我地都試過送一籃蕉去人地公司

仲有一個朋友成日飲醉酒，我地就送左個飲哂既紅酒樽同嘔肚桶

今年我地既RULE 係我地請生日果個食飯之後

生日果個就請番我地

好唔公平，ANYWAY。。朋友無公平唔公平

今次我地為壽星女揀左bellbrook

傳統既澳洲菜，香港真係買少見少

我地叫左一個沙律，4個主菜

開飯前，緊係來點酒開下胃先！

頭盤係沙律菇，四邊就係茄子，番茄茸，最初以為係熱既，食落就係凍既

之後就係我地最鍾意既串燒薯片，係用新鮮薯片整架

熱架！好好食架！我地仲食完再食TIM

仲有一個頭盤係八爪魚，又係超好食，唔知係唔係心理作用

覺得特別好食

餐前麵包不少得，旁邊個棵並不是植物，而係由乾菇成

有香既蒼味，搽在麵包上，都幾好味

主菜一： 燒牛肉，不過我地覺得最好食並不是牛肉，而是旁邊既長長薯條

牛肉嫩得來一D都唔生！

主菜二： 燒雞半隻，雞胸唔"鞋"

主菜3: 樹皮魚 

我覺得呢個係最好食！因為佢係最樹幹開個隆

之後再加魚入去一齊焗，魚好滑，而且有淡淡既香草味，好好食！

主菜5: 青口煮薯條

面頭一層香噴 噴熱烘烘既薯條

出奇地～就算浸左落湯都湯都唔怕林

都仲係噤好食

仲叫左個SIDE DISH MUSHROOM，好清香，仲帶哂菇味！

總共叫左兩枝紅酒，一杯檸檬特飲，兩串薯片串燒！最緊要生日蛋糕！

每人＄650 （如果無酒既同埋唔請生日果個都係每人380, 都不是太貴呢）

下一場係附近酒吧，我地叫左枝香檳，

仲送左半打SHOOTER！

要反多謝生日果個！

cheers

cheers, 

where is it: http://www.openrice.com/restaurant/reviews.htm?shopid=152732

出走台北 － 第二天

平溪 》十分 》咖啡弄 》乾杯

去之前我地已經決定唔去放天燈

不過我未去過，心郁郁又想去放天燈

要去既朋友如果真係想去就早D，因為會好多人

而我地目標只有一個，就係送天燈

放完，即走！

我地揀左搭捷運去

先去台北車站，再搭鐵路（係 鐵路唔係捷運唔係高鐵）去到瑞芳站

出門前記得睇定車時間，有D站一日只係得1 ，2 架車

去到瑞芳，如果有時間可以行下，附近有一個食街，有豪大大雞扒，

有50嵐，而我就最LIKE呢個章魚燒

食到差D過左架車

去到等車，12:00幾已經好多人

全程車連食野等車用左2個半鐘，

再提去前一定要CHECK車程同班次

我地唔怕耐，因為都係放假HEA下

都無行程要趕

因為去到就去到，去唔到都無所謂

其實去十分車站既途中會經過大 布同吊橋

不過實在唔想行得太耐，於是行過CAFE就坐低飲杯野

好開心見到心型杯，不過呢杯花果玫瑰茶就太甜喇

最後，我地放天燈，其實好無聊，

不過寫願望既時候，發覺自已真係好唔知足

不同顏色既天燈有不同既意義 

 玩左約2個小時就番去大安喇

我地揀左咖啡弄做傍晚下午茶

同香港好唔同，係因為唔做等位同平D

佢叫左個拿破崙

 我就叫左例牌既朱古力雪糕

行左一個圈，之後又食過

我地揀左大安店既乾杯

最後，我地就去左24小時既誠品

住大安附近真係好，

又有誠品，又有乾杯，又有咖啡弄，HEHE～：）

開開心心又一天 ：）

出走台北 － 第一天

第一天 香港  －桃園景地展覽會睇RUBBER DUCK －酒店 －鼎泰豐 － 西門町

去年結婚兩週年

我地食左餐勁正既DINNER，

今年，老公竟然話做野咁辛苦，

用左ASIAMILE 換左兩張機票！

難得可以快請3日假！

其實去台灣差不多個個鐘頭都有機～

我地去係CX450 1010

指定相片！

去台灣同由娘家去銅鑼灣都係一樣

大約一個小時多D就到，

邊到都唔好去住，先去左按錢先 

我地計過數，去到台灣襟ATM係最抵

不過提提去前要係香港ATM開左個海外戶口先，是免費的

之後就係去電話卡，我地見到3間都係一樣價錢

不過特別有一間係特別多人，叫做台灣大哥大

我地估係CSL，同3同ONE2 FREE既分別～～

之後即時跳上的士，今次來帶個重大既目的就係睇鴨仔 

搭左一程最費既的士，要成NT845

提提，由12月21日起鴨仔就會去基隆，更方便去台北既港人去,

由於我地去果程已經好唔抵，因此試下大會既車轉到去桃遠高鐵站

順便試下高鐵~

不過真係好快~ 20分鐘多D就番到酒店

我地今次住既係台北商旅大安店,

先講地點: 其實OK架, 忠孝敦化3號出行5分鐘就到

附近有hello kitty  cafe, 誠品(仲要係24小時), 鼎泰豐, 微風廣場等等~

酒店稍稍休息之後，我地就出發去左永康階總店既鼎泰豐

好彩酒店人員服務太好了! 有幫我地BOOK位~ 等左唔使10分鐘就有位

老公太誇張, 一食食左4籠，真係好誇

我當然有食我一定食既醉雞，真係正到不得了!!

之後我地就去左西門町行行~

就番酒店喇!!

我們結婚3年了

時間總是不等人

當每一天忙於工作，忙於趕DEADLINE的時間

你總是沒有發現，PASSPORT過期了

信用咭還款過期了

爸爸媽媽生日了

那些重要的總是忘記了

為了展示我這3年廚藝的努力！

繼去年半島以後，一於節衣縮食！

親自下廚！

他負責，接送和買送

我負責煮同洗。。。

HEHE。。總算是及格了罷！

今天的晚餐是安格斯肉眼扒及銀雪魚！

 在沒有湯的情況下，罐頭忌廉湯是一個很好的選擇！

下午茶獎勵下自己！也得到咖啡姐姐的鼓勵！小小的鼓勵，總令人心情好了起來！

番茄炒蛋走番茄

由細到大我都唔鐘意食番茄

無論係生既熟既我都唔鍾意食

母親大人努力令我地每個人都帶均衡飲食

用特別既方法整左 番茄炒蛋

就算我唔食個番茄

都可以食到番茄既營養

仲一次過食埋蛋添！

成個 過程都只係10分鐘！

最適合懶人！

製法：

1. 熱穫加油，煎好兩隻蛋至半熟，另起
2. 加入已醃好瘦肉，炒至金黃色，另起
3. 加入汁料： 茄汁，1湯匙，蠔油，1湯匙，糖，1茶匙，水，1湯匙，蔥少許
4. 加入番茄，炒2分鐘，焗2分鐘
5. 加入肉絲，炒2分鐘，將所有材料盛於蛋上

番茄在焗的過程中流出茄汁，

濃濃番茄味流入半熟的蛋入面

哈哈～

無錯～表面係唔會見到D蛋架！

不過真係好好味呢～

好友一聚

星期六，最好既活動莫過於同一班C9 飲過茶，談談大家的近況

時間過得快到就連自己都怕了起來

原來，我們認識已有19年了，我們一同成長

一同經歷，一同去面對人生不同的階段

一同去接受大家的轉變

的確，由談及的話題到對大家的看法都每一刻在變

可幸的是，在變的途中都沒有放棄╴沒有懷疑

開心分享，正在感恩

感恩因為他們每個人生活都開心，

感恩是因為他們都帶了自己最寶貴的東西

並讓我感染

讓我明白世上不只有工作

感恩中。

也不忙說說這個東西將成為翠園必食

紅豆燕窩豆腐花！

甜中帶點紅豆味

很好味道呢！

＊＊懶了數天，排名即時跌了！世界真的很現實啊！

補一補

唔知幾時開始，我個blog就係紀錄我每日不停咁食

不停咁食~

食到我自己都唔知食過d咩~ 

不過我相信用心食

用心煮~ 同食得開心就好夠喇~

特別係結左婚之後，每次番屋企食飯

又想要清熱既湯、又想要補既湯、又想要潤既

世上又點會有野好得過媽媽~ 買定所有材料

錄定what app 話我知點整~ 

烏雞人人都話比普通雞香d，補d

又試下呢個烏雞螺頭燉花膠

烏雞一隻: 惠康買$3x

螺頭: 4個

花膠: 4支 (偉大既母親大人已經發好俾我喇)

果皮1塊

造法: 先將烏雞切開一半，洗乾淨，切去頭及pat pat，去皮

煲熱水，加入花膠及螺頭:汆水約4分鐘。放入燉盅，燉2小時即成~

的確第一次接觸烏雞係有d唔知點咁

不過飲過一次之後，我相信唔會再有呢個感覺

因為實在太好味

但要接受現實，一定會有肥油~ 但係真係好甜同好好飲!

 經過兩小時之後~ 

太心急將d湯飲哂~ 連煲好既相都唔記得左影 -,-!!